2021-mi januaarimiit apriilimut aalisakkat avammut tunisaanerat

 

Siunertaq

Saqqummersitap siunertaraa piaarnerusumik aalisarnermiit avammut tunisartakkat tamanut paasissutissiissutiginissaat.

 

Imarisaa

Saqqummersitami ilaatinneqarput avammut tunisat aalisarnermik aallutaqartuninngaaneersuinnaat. Tunisassiat allat, assersuutigalugu puisininngaaneersut, savaninngaaneersut uumasunillu allaneersut saqqummersitami taamaalillutik ilaatinneqanngillat.

 

Immikkut sillimaffissaq

Kisitsisit pitsaassusaanut apeqqutaapput avammut tunisisartut piffissaq eqqorlugu Akileraartarnermut Aqutsisoqarfimmut akitsuutinik suliaqartartunut nalunaarutiginnissimanersut, taamaattumik kisitsisit mianersuullugit nalilersorneqassapput.

 

Iluarsiissuteqarneq

Una saqqummersitaq iluatsillugu apriilip 21-ani saqqummersitaq Aalisakkat avammut tunisaanerat januaari-marsi 2021 iluarsiissuteqarfigineqarpoq. Iluarsiissut katillugu 2,1 mio. kr.-inik annertuseriarnermik kinguneqarpoq, iluarsiissutit marsimut tunngasuupput taavalu qaleralinnuinnaq tunngasuul­lutik. Iluarsiissuteqartariaqalerneq pissuteqarpoq, Akileraartarnermut Aqutsi­soqarfimmut nunanut allanut tunisinermi nalunaartussaatitaanermut tunngasut kingusinaartumik qarasaasianut ikkussuunneqarsimammata. Iluarsiissutit tabel 4-mi sukumiinerusumik misissuataarneqarsinnaapput.

 

Avammut tunisat nalingi 0,5 pct.-imik annikilleriartut

2021-mi januaarimiit apriilimut avammut tunisat nalingi katillugit 1.199 mio. kr.-usimapput. Ukiup siulianut sanilliullugit 6 mio. kr.-inik annikilleriarput, tamannalu katillugu 0,5 pct.-uvoq.

 

Titartagaq 1. Aalisakkat avammut tunisaanerat, mio. kr.

 

Najoqqutaq: https://bank.stat.gl/IENEXPMND

 

Raajat

Raajat januaari-apriili 2021-mi avammut tunisaanerisa nalingat 0,6 pct.-imik annertuseriarsimavoq, tamanna 4,3 mio. kr.-inik naleqarpoq. Qaffariaat avammut tunisat annertuseriarnerannik taamaallaat aallaaveqarpoq, tassa raajat avammut tunisat 11,3 pct.-imik annertuseriarsimammata. Agguaqati­giissillugu kilumut akiat 9,6 pct.-mik apparsimavoq.

 

Qalerallit

Qalerallit avammut tunineqartut nalingat 25,6 pct.-imik annikilleriarsimavoq, tamannalu 66 mio. kr.-inik naleqarpoq. Avammut tunisat oqimaassusaat 11,4 pct.-imik apparsimavoq, kilumullu agguaqatigiissillugu aki 16,1 pct.-imik apparsimalluni.

 

Saarulliit

Saarulliit avammut tunineqartut nalingat 6,1 pct.-imik annikilleriarpoq, tamanna 9 mio. kr.-inik naleqarpoq. Avammut tunineqartut oqimaassusaat 13,8 pct.-imik annertuseriarpoq, kilumullu agguaqatigiissillugu aki 17,5 pct.-imik apparsimalluni.

 

Titartagaq 2. Aalisakkat pingaarnerit avammut tunisaanerat qaammatikkaarlugu

 

Najoqqutaq: https://bank.stat.gl/IENEXPMND

 

Titartagaq 3. Procentinngorlugu 2021-mi allannguutit ukiup siulianut sanilliullugit

 

 

Titartagaq 4. Raajat qalipallit qalipaajakkallu kilumut akiisa ineriartornerat

 

Najoqqutaq: https://bank.stat.gl/IENEXPMND

 

Titartagaq 5. Qalerallit suliareqqitat suliareqqitaanngitsullu kilumut akiisa ineriartornerat

 

Najoqqutaq: https://bank.stat.gl/IENEXPMND

 

Titartagaq 6. Saarulliit suliareqqitat suliareqqitaanngitsullu kilumut akiisa ineriartornerat

 

Najoqqutaq: https://bank.stat.gl/IENEXPMND